ماں

*موت کی آغوش میں جب تھک کے سو جاتی ہے ماں*

*تب کہیں جا کے تھوڑاسا سکوں پاتی ہے ماں*

*روح کے رشتوں کی یہ گہرائیاں تو دیکھئے*

*چوٹ لگتی ہے ہمیں اور چلاتی ہے ماں*

*پیار کہتے ہیں کسے اور مامتا کیا چیز ہے؟*

*کوئی ان بچوں سے پوچھے جن کی مر جاتی ہے ماں*

*زندگانی کے سفر میں گردشوں کی دھوپ میں*

*جب کوئی سایہ نہیں ملتا تو یاد آتی ہے ماں*

*کب ضرورت ہو مری بچے کو، اتنا سوچ کر*

*جاگتی رہتی ہیں آنکھیں اور سو جاتی ہے ماں*

*بھوک سے مجبور ہو کر مہمانوں کے سامنے*

*مانگتے ہیں بچے جب روٹی تو شرماتی ہے ماں*

*جب کھلونے کو مچلتا ہے کوئی غربت کا پھول*

*آنسوؤں کے ساز پر بچے کو بہلاتی ہے ماں*

*لوٹ کر واپس سفر سے جب بھی گھر آتے ہیں ہم*

*ڈال کر بانہیں گلے میں سر کو سہلاتی ہے ماں*

*ایسا لگتا ہے کہ جیسے آگئے فردوس میں*

*کھینچ کر بانہوں میں جب سینے سے لپٹاتی ہے ماں*

*دیر ہو جاتی ہے گھر آنے میں اکثر جب کبھی*

*ریت پر مچھلی ہوجیسے ایسے گھبراتی ہے ماں*

*شکر ہو ہی نہیں سکتا کبھی اس کا ادا*

*مرتے مرتے بھی دعا جینے کی دے جاتی ہے ماں*

*ﷲکریم جو مائیں حیات ہیں انہیں صحت وسلامتی کی نعمت دےان کے بچوں کو خدمت کی توفیق دے٬کہ یہ نعمت بیش بہا زندگی میں صرف ایک مرتبہ ملتی ہے۔*

 *اورجوآپ کی جوار رحمت میں پہونچ گیئں ان کے درجے بلندفرما*

*(آمین یارب العالمین )*

*َربِّ الرّحمھُمَاکَما رَبّ یَانِی صَغِیرَا*